Ajit Pawar Accidental Death : दादा गेले! धनंजय मुंडे आठवणींनी व्याकुळ; अण्णांच्या माघारी सगळ्या आठवणी हमसून हमसून रडले!
- Published by:Saurabh Talekar
Last Updated:
Dhananjay Munde On Ajit Pawar Death : माझे वडील गेल्यानंतर दादांनी मला वडील नसल्याचे कधी जाणवू दिले नाही. माझं आणि दादांचं नातं शब्दात सांगू शकत नाही, असं म्हणत धनंजय मुंडे यांना अश्रू अनावर झाले.
Dhananjay Munde On Ajit Pawar Death : महाराष्ट्राचे उपमुख्यमंत्री अजित पवार यांचे निधन झालं आहे. बुधवारी सकाळी बारामती येथे त्यांचे विमान कोसळलं. बारामती विमानतळावर लँडिंग दरम्यान हा अपघात झाल्याचं वृत्त आहे. विमानात त्यांच्यासोबत असलेले त्यांचे वैयक्तिक सहाय्यक, सुरक्षा कर्मचारी आणि विमान कर्मचाऱ्यांचाही मृत्यू झाला. अजित पवार यांच्या मृत्यूनंतर आता राष्ट्रवादीच्या नेत्यांना अश्रू अनावर झाले. अशातच अजित पवार यांचे सर्वात जवळचे नेते असलेल्या धनंजय मुंडे हमसून हमसून रडले.
काय म्हणाले धनंजय मुंडे?
आज पुन्हा पोरका झालो. माझे दादा मला पोरका करून गेले. माझे वडील गेल्यानंतर दादांनी मला वडील नसल्याचे कधी जाणवू दिले नाही. माझं आणि दादांचं नातं शब्दात सांगू शकत नाही, असं म्हणत धनंजय मुंडे यांना अश्रू अनावर झाले. संपूर्ण महाराष्ट्राच्या विकासाचे स्वप्न उराशी घेऊन झोपणार आणि भल्या पहाटे ती स्वप्नं पूर्ण करण्यासाठी कामाला लागणारा नेता; वेळेचे नियोजन, शिस्त यातून विकासाचा दरारा महाराष्ट्रात उभा करणारे दादा आज महाराष्ट्रासह संपूर्ण देशाला स्तब्ध करून आणि आम्हा सर्वांना दुःखाच्या छायेत सोडून निघून गेले, असंही धनंजय मुंडे म्हणाले.
advertisement
धनंजय वेळेवर ये बरका...
दादांचं अकाली निधन ही घटनाच मुळात हृदयाला न पटणारी आहे. आमचे राजकीय अस्तित्व दादांच्या जीवावर होते... त्यामुळे अजूनही असं वाटतंय की आत्ता दादांचा फोन येईल आणि म्हणतील, धनंजय वेळेवर ये बरका... त्यामुळे श्रद्धांजली हा शब्दच फुटत नाहीये. देशाची, राज्याची, पक्षाची, माझ्या बीड जिल्ह्याची आणि माझी कधीही न भरून निघणारी हाणी, असं धनंजय मुंडे म्हणाले.
advertisement
आज पुन्हा पोरका झालो...
माझे दादा मला पोरका करून गेले...
माझे वडील गेल्यानंतर दादांनी मला वडील नसल्याचे कधी जाणवू दिले नाही. माझं आणि दादांचं नातं शब्दात सांगू शकत नाही.
संपूर्ण महाराष्ट्राच्या विकासाचे स्वप्न उराशी घेऊन झोपणार आणि भल्या पहाटे ती स्वप्नं पूर्ण करण्यासाठी… pic.twitter.com/UfgkCt6Vye
— Dhananjay Munde (@dhananjay_munde) January 28, 2026
advertisement
पाच जणांच्या मृत्यूची पुष्टी
दरम्यान, हाती आलेल्या माहितीनुसार, पवार एका खासगी चार्टर्ड विमानाने मुंबईहून बारामतीला गेले होते. लँडिंग दरम्यान विमान धावपट्टीवरून घसरले. नागरी विमान वाहतूक महासंचालनालयाने (डीजीसीए) या अपघातात पाच जणांच्या मृत्यूची पुष्टी केली आहे. सुरुवातीला सहा जणांचा मृत्यू झाल्याचे वृत्त होते.
Location :
Baramati,Pune,Maharashtra
First Published :
Jan 28, 2026 12:43 PM IST
मराठी बातम्या/पुणे/
Ajit Pawar Accidental Death : दादा गेले! धनंजय मुंडे आठवणींनी व्याकुळ; अण्णांच्या माघारी सगळ्या आठवणी हमसून हमसून रडले!










