गुन्हेगारांना शोधणारा 'कुंचला', पोलीस दलात नसूनही आतापर्यंत केलं महत्त्वाचं काम

पुणे: पुण्यातील गुन्हेगारांचा कर्दनकाळ ठरलेले डॉ. गिरीश चरवड गेल्या 30 वर्षांपासून पोलिसांना आरोपींची रेखाचित्रं विनामूल्य काढून देत आहेत. भारती विद्यापीठ, कॉलेज ऑफ फाइन आर्ट्समधील असोसिएट प्रोफेसर असलेल्या डॉ. चरवड यांनी अनेक गुन्ह्यांमध्ये पोलिसांची महत्त्वाची मदत केली आहे. त्यांच्या सेवेमुळे अनेक बलात्कार पीडित महिलांना न्याय मिळाला आहे. अलीकडेच बोपदेव परिसरात झालेल्या सामूहिक बलात्कार प्रकरणातील आरोपीचं रेखाचित्र त्यांनीच काढलं, ज्यामुळे पोलिसांना आरोपींना पकडण्यात यश मिळालं. त्यांच्या या सगळ्या कार्याबद्दल त्यांनी लोकल 18 ला माहिती दिली आहे.