Pune News : लॉकडाऊनचा 'तो' निर्णय पुणे-मुंबईकरांसाठी ठरला डोकेदुखी; प्रवासाचा मनस्ताप संपता संपेना

पुणे : पुणे आणि मुंबईत राहणारे लोक दररोज या दोन शहरात प्रवास करत असतात. मात्र दिवसेंदिवस हा दररोजचा रेल्वेचा प्रवास अधिकच खडतर होत चालला आहे. डेक्कन क्वीन, सिंहगड एक्सप्रेस, प्रगती एक्सप्रेस अशा गाड्यांमधून प्रवास करणाऱ्या प्रवाशांना दररोज वेळेच्या ताणात, गर्दीत आणि असुविधांमध्ये प्रवास करावा लागतो. कामाच्या ठिकाणी वेळेत पोहोचणे, मुलांच्या शाळेसाठी वेळेत येणे किंवा इतर वैयक्तिक कामांमध्ये वेळेवर पोहचणे या सगळ्या गोष्टींवर प्रवाशांचा ताण वाढतो.