Pune Crime : पुण्यातील महिला पोलीस निरीक्षकांचा विनयभंग, प्रकरणात शरद पवारांची एन्ट्री! नेमका वाद काय?

Pune Crime News : केंद्रीय मंत्री नितीन गडकरी 23 जून रोजी पुणे दौऱ्यावर असताना, पुण्यातील भाजपाचे पुणे शहर सरचिटणीस प्रमोद कोंढरे यांनी वरिष्ठ महिला पोलीस निरीक्षकांचा विनयभंग केल्याची घटना घडली होती. या प्रकरणामुळे पुण्यात खळबळ उडाल्याचं समोर आलं होतं. अशातच या प्रकरणी पुण्यातील फरासखाना पोलीस स्टेशनमध्ये प्रमोद कोंढरे यांच्या विरोधात गुन्हा दाखल करण्यात आला होता. मात्र, अटक करण्यात पोलिसांनी वेळ लावल्याने प्रकरण आणखी पेटल्याचं पहायला मिळतंय. अशातच आता या प्रकरणात शरद पवार यांची एन्ट्री झाली आहे.