Pune: दुसऱ्या मजल्यावरून पडली चिमुरडी, डोक्याला मार, डॉक्टरच बनले देवदूत, 24 तासांचा थरार!

पुणे – मोशी परिसरातील एक काळजाला चटका लावणारी घटना नुकतीच घडली. गायत्री सूर्यवंशी ही तीन वर्षांची चिमुरडी खेळता खेळता दुसऱ्या मजल्यावरील बाल्कनीतून खाली पडली. या अपघातानंतर ती बेशुद्ध अवस्थेत आढळून आली. पालकांनी तात्काळ तिला जवळच्या रुग्णालयात दाखल केले. त्यानंतर पुढील उपचारांसाठी तिला औंध येथील अंकुरा हॉस्पिटल फॉर वुमन अँड चिल्ड्रन येथे हलवण्यात आले. तिच्यावर तातडीची शस्त्रक्रिया करण्यात आली असून डॉक्टरांच्या प्रयत्नांनी प्रकृती स्थिर आहे.