Ration Card News: तुम्ही रेशनचं धान्य घेतलं का? पिंपरी-चिंचवडमध्ये वितरण सुरू, शेवटची तारीख कधी?

पिंपरी-चिंचवड शहरात सार्वजनिक वितरण प्रणालीअंतर्गत धान्याचे वितरण सुरू आहे. शहरातील तीन झोनमध्ये एकूण 253 रेशन दुकाने कार्यरत आहेत. यात ‘अ’ झोनमध्ये 90, ‘ज’ झोनमध्ये 77 आणि ‘फ’ झोनमध्ये 86 दुकानांचा समावेश आहे. शहरातील अत्यंत गरीब गटातील (अंत्योदय) 3,710 शिधापत्रिकाधारकांसह अन्न सुरक्षा योजनेअंतर्गत 88,641लाभार्थ्यांना यंदा सप्टेंबर महिन्यात धान्य दिले जाणार आहे. या दोन्ही गटांसह एकूण 4,89,387 लाभार्थ्यांना सुविधा मिळणार आहे.प्रशासनाने नागरिकांना गोंधळ टाळण्याचे आवाहन केले असून, धान्याचा 100 टक्के साठा उपलब्ध आहे.

धान्य घेण्यासाठी संबंधित लाभार्थी प्रत्यक्ष उपस्थित राहणे गरजेचे आहे. लाभार्थींनी आपली शिधापत्रिका (राशन कार्ड) बरोबर आणावी. काही ठिकाणी आधार कार्ड किंवा इतर ओळखपत्र तपासणीसाठी मागवले जाऊ शकते, त्यामुळे नागरिकांनी आवश्यक कागदपत्रे बरोबर ठेवावी.