Trending:

Pune Crime : पुण्यात पोलिसांचा 'बुलडोझर पॅटर्न', कृष्णा आंदेकरला मदत करणाऱ्या टोळीवर हडपसरमध्ये मोठी कारवाई!

Published by:Saurabh Talekar

Last Updated:September 27, 2025 2:26 PM IST

Pune Police Action : आयुष कोमकर याच्या हत्येला प्रकरणात कृष्णा आंदेकर याला मदत करणाऱ्या टिपू पठाण टोळीवर पुणे पोलिसांनी मोठी कारवाई केली आहे.

इम्पॅक्ट शॉटतुमचा गेटवे लेटेस्ट न्यूज

Pune Crime News : पुणे शहरातील कुख्यात गुन्हेगार रिझवान उर्फ टिपू पठाण (रा. सय्यदनगर, हडपसर) याच्या अनधिकृत बांधकामावर आज काळेपडळ पोलिस स्टेशन आणि पुणे महानगरपालिका प्रशासनाने संयुक्तपणे मोठी कारवाई केली. या कारवाईमुळे परिसरात दहशत निर्माण करणाऱ्या गुन्हेगाराच्या बेकायदेशीर कृत्यांवर आणि बांधकामावर कायदेशीर पद्धतीने आळा घालण्यात आला आहे. याच टोळीतील नंबरकारींनी सोमनाथ गायकवाडचा गेम करण्यासाठी मदत केली होती.

पुणे पोलिसांचा बुलडोझर पॅर्टन

काळेपडळ पोलिस स्टेशनमध्ये टिपू पठाणवर गंभीर स्वरूपाचे गुन्हे दाखल आहेत. या टोळीवर विविध कलम अन्वये गुन्हा दाखल आहे. त्याच्या बेकायदेशीर व्यवसायांना नियंत्रित करण्याच्या पार्श्वभूमीवर ही कारवाई करण्यात आली. त्यामुळे आता पुणे पोलिसांचा बुलडोझर पॅर्टन देखील पहायला मिळाला आहे.

अनधिकृत बांधकाम जमीनदोस्त

पोलिस निरीक्षक मानसिंग पाटील यांनी दिलेल्या माहितीनुसार, सय्यदनगर परिसरातील हे बांधकाम नियमबाह्य होते आणि त्याचा उपयोग स्थानिक नागरिकांमध्ये दहशत निर्माण करण्यासाठी केला जात होता. यामुळे, पोलिस आणि महापालिका प्रशासनाच्या संयुक्त पथकांनी आज सकाळी बांधकामावर निष्कासन मोहीम राबवून संपूर्ण अनधिकृत बांधकाम जमीनदोस्त केले.

परिसरात दहशतीचं वातावरण

दरम्यान, या कारवाईच्या वेळी परिसरात मोठा पोलिस बंदोबस्त ठेवण्यात आला होता. अवैध मार्गाने उभारलेल्या या रचनेवर अखेर कायदेशीर हातोडा पडल्याने स्थानिक नागरिकांमध्ये समाधानाची भावना निर्माण झाली आहे. तसेच परिसरात दहशतीचं वातावरण देखील कमी झाल्याचं पहाया मिळत आहे.

view comments

Location :

Pune,Maharashtra

First Published :

September 27, 2025 2:26 PM IST

Pune Crime : पुण्यात पोलिसांचा 'बुलडोझर पॅटर्न', कृष्णा आंदेकरला मदत करणाऱ्या टोळीवर हडपसरमध्ये मोठी कारवाई!