हरवलेल्या फोनची 'रिंगटोन' पुन्हा वाजली! सांगवी पोलिसांची मोठी कारवाई; पुणेच नाही तर परराज्यांतूनही परत आणले 50 मोबाईल

पुणे : आपला मोबाईल चोरीला गेल्यास किंवा गहाळ झाल्यास तो पुन्हा मिळेल, याची आशा सहसा नागरिक सोडून देतात. मात्र, पिंपरी-चिंचवड पोलीस आयुक्तालयांतर्गत येणाऱ्या सांगवी-दापोडी पोलिसांनी आपल्या तांत्रिक कौशल्याच्या जोरावर अशक्य वाटणारी गोष्ट शक्य करून दाखवली आहे. पोलिसांनी विशेष मोहीम राबवून शोधलेले तब्बल ५० मोबाईल फोन त्यांच्या मूळ मालकांना नुकतेच एका छोटेखानी कार्यक्रमात सुपूर्द केले.