Bopdev Ghat: वाहनचालकांनो लक्ष द्या! बोपदेव घाट वाहतुकीसाठी सलग 7 दिवस बंद; असा असेल पर्यायी मार्ग

सासवड-कोंढवा प्रवासासाठी बोपदेव घाट हा सर्वात जवळचा मार्ग असला तरी, कामाच्या निकडीमुळे तो आठवडाभर बंद राहणार आहे. "रस्त्याचे काम वेळेत आणि दर्जेदार पद्धतीने पूर्ण व्हावे, यासाठी प्रवाशांनी सहकार्य करावे," असे आवाहन सार्वजनिक बांधकाम विभाग (हवेली २) चे शाखा अभियंता देवेन मोरे यांनी केले आहे.

बोपदेव घाट हा सासवड, पुरंदर आणि परिसरातील गावांसाठी पुण्याकडे जाणारा सर्वात जलद मार्ग मानला जातो. हा घाट आठवडाभर बंद राहणार असल्याने नोकरी, व्यवसाय आणि वैद्यकीय कारणांसाठी दररोज ये-जा करणाऱ्या हजारो प्रवाशांचा प्रवासाचा वेळ आता वाढणार आहे. विशेषतः कोंढवा आणि येवलेवाडी भागात राहणाऱ्या नागरिकांना सासवडकडे जाण्यासाठी आता दिवे घाटातून मोठा वळसा घालून जावे लागेल.