Pune News: पुण्यातील 78 वर्षीय आजोबांचं भलतंच कांड; ऐकून पोलिसांनी वृद्धाचं घरच गाठलं

मिळालेल्या माहितीनुसार, तळेगाव एमआयडीसी पोलीस ठाण्याच्या हद्दीतील नवलाख उंबरे येथे एक वृद्ध व्यक्ती गांजाची विक्री करत असल्याची गोपनीय माहिती पोलिसांना मिळाली होती. त्यानुसार पोलिसांनी शनिवारी (६ डिसेंबर) सापळा रचून धर्माजी बधाले (वय ७८, रा. नवलाख उंबरे) यांची झडती घेतली. त्यांच्या झडतीमध्ये पोलिसांना २०० ग्रॅम गांजा सापडला, जो त्यांनी विक्रीसाठी ठेवला होता.

दरम्यान धुळे जिल्ह्यातून एक अजब आणि धक्कादायक प्रकरण समोर आलं आहे. यात शिरपूर तालुक्यात पोलीस प्रशासनाने एक मोठी कारवाई केली आहे. वनविभागाच्या जमिनीवर बेकायदेशीरपणे करण्यात येणाऱ्या गांजाच्या शेतीचा पोलिसांनी पर्दाफाश केला असून, कोट्यवधी रुपयांचे पीक नष्ट केले आहे. शिरपूर तालुक्यातील जामण्यापाणी या अत्यंत दुर्गम आणि डोंगराळ भागात ही कारवाई करण्यात आली. पोलिसांनी दिलेल्या माहितीनुसार, तस्करांनी वनविभागाच्या जमिनीचा वापर करून तिथे छुप्या पद्धतीने गांजाची लागवड केली होती.