आतापर्यंत तीन मर्डर, प्रत्येक वर्षी सप्टेंबरमध्येच गेम! आंदेकर टोळीच्या 'सप्टेंबर बदला पॅटर्न'ची भानगड काय?

गेल्या पाच दशकात पुणे शहरात अनेक छोट्या-मोठ्या टोळ्या होत्या. जुगाराच्या अड्डे, दारूची अवैध विक्री आणि खंडणी ही मुख्य कमाई होती.यातच आंदेकर टोळी उदयास आली. या टोळीचे प्रमुख होता बाळकृष्ण उर्फ बाळू आंदेकर. नाना पेठ, भवानी पेठ आणि गंज पेठ या भागात आंदेकर टोळीने दहशत निर्माण केली. गेल्या  50  वर्षात आंदेकर टोळीने अनेक टोळ्या नामशेष केल्या. मात्र आंदेकरांच्या पोटातून निर्माण झालेली कोमकर टोळी ही वरचढ ठरत आहे. आंदेकर- कोमकर संघर्षात तीन वर्षात केले गेलेले सर्व हल्ले हे सप्टेंबर महिन्यातच झाल्याचं समोर आले आहे.