पुस्तक हातात घेतलं रे घेतलं की, झोप लागते? कारण आहे गंभीर, आताच लक्ष द्या!

रांची : अनेकजणांचा स्वभाव चंचल असतो. त्यांना एका ठिकाणी शांत बसवत नाही. त्यांना एकावेळी अनेक कामं करायची असतात. असा मल्टीटास्किंग स्वभाव असणं कधीकधी चांगलं असतं, परंतु ते तेव्हाच जेव्हा वेगवेगळी कामं एकाचवेळी करताना त्या व्यक्तीच्या चेहऱ्यावर प्रसन्न भाव असतात. कारण काहीजण प्रचंड चंचल स्वभावाचे असले, तरी त्यांच्या चेहऱ्यावरचं तेज मात्र कुठेतरी हरवलेलं असतं. असं का होतं माहितीये? याचं कारण आहे ज्योतिषशास्त्रात.

चेहऱ्यावर तेज असणं, दुःख असणं याचा संबंध थेट कुंडलीतील चंद्र भावाशी असतो. झारखंडची राजधानी असलेल्या रांचीचे ज्योतिषी पंडित संतोष कुमार चौबे (रांची युनिव्हर्सिटीतील ज्योतिषशास्त्र विषयाचे  गोल्ड मेडलिस्ट) सांगतात की, कुंडलीतील चंद्र ग्रहाचं स्थान कमजोर असेल, तर व्यक्तीचं मन चंचल होतं. विशेषतः विद्यार्थ्यांचं अभ्यासात लक्ष लागत नाही. त्यांनी पुस्तक हातात घेतलं रे घेतलं की त्यांच्या मनात अभ्यासाव्यतिरिक्त वेगवेगळे विचार येतात, चक्क झोपही येते.