तुमच्या पर्सचा रंग काळा आहे? सांभाळून राहा, नाहीतर घडेल अनर्थ!

कन्नौज : आजकाल घराबाहेर पडताना मोबाईल घ्यायला अगदीच कधीतरी आपण विसरतो. नाहीतर नेहमी मोबाईल आणि पर्स या दोन गोष्टी आठवणीने घेऊन घराबाहेर निघतो. आजकाल महागडे मोबाईल वापरण्याची फॅशन आहे हे आपल्याला माहितच असेल, पण लोक पर्सही फॅशनेबल वापरतात. परंतु तुम्हाला हे माहितीये का, पर्सच्या रंगावर आपलं नशीब अवलंबून असतं. आपल्याजवळ योग्य रंगाची पर्स असेल, तर आपल्याकडे लक्ष्मी देवी आकर्षित होते, अर्थातच आयुष्यातल्या आर्थिक अडचणी हळूहळू दूर होतात.

तज्ज्ञ सिद्धी बरोले सांगतात की, काळ्या किंवा लाल रंगाच्या पर्समुळे आपल्या अडचणींमध्ये प्रचंड वाढ होते. लक्ष्मी देवीचा आशीर्वाद आपल्याला मिळत नाही. परंतु जर आपल्याकडे हिरव्या किंवा मातेरी म्हणजेच चॉकलेटी रंगाची पर्स असेल, तर आपली भरभराट होते. ती पर्स कायम पैशांनी भरलेली राहते.

कधीकधी आपण आपल्या पर्समध्ये देवाचा फोटो ठेवतो. परंतु तज्ज्ञ सांगतात की, असं करणं चूक आहे. कधीच पर्समध्ये देवांचे फोटो ठेवू नये. त्यामुळे लक्ष्मी देवी आपल्यावर नाराज होते. अर्थातच त्या पर्समध्ये ठेवण्यासाठी आपल्याकडे पुरेसे पैसे येत नाहीत.