Mokshada Ekadashi: आज मोक्षदा एकादशी! पहा पूजा-मुहूर्त, उपवास सोडण्याची वेळ, व्रताचे धार्मिक महत्त्व

मुंबई, 22 डिसेंबर : हिंदू धर्मात सर्व एकादशी तिथी विशेष मानल्या जातात. एकादशीचं व्रत ठेवून भगवान विष्णूची पूजा केल्यानं जीवनात सुख, समृद्धी आणि सौभाग्य प्राप्त होतं, अशी धार्मिक श्रद्धा आहे. काही एकादशी अत्यंत महत्त्वाच्या मानल्या जातात. यामध्ये मोक्षदा एकादशीचा समावेश होतो. मार्गशीर्ष महिन्यातील शुक्ल पक्षातील एकादशी तिथीला मोक्षदा एकादशी येते. या दिवशी गीता जयंती साजरी केली जाते. मोक्षदा एकादशीचे व्रत पाळणे, विधीपूर्वक पूजा करणे आणि पवित्र नदीत स्नान केल्याने पितरांचा मोक्ष होतो. धार्मिक शास्त्रानुसार मोक्षदा एकादशीचे व्रत केल्यास पितरांना त्यांच्या कर्माच्या बंधनातून मुक्ती मिळते. व्यक्तीची पापे नष्ट होतात. म्हणून ती पुण्यदायिनी आणि मोक्षदायिनी एकादशी मानली जाते. म्हणूनच याला मोक्षदा एकादशी म्हणतात.