Ghota Tradition : नवरीच्या घरापर्यंत वरात, त्या माणसाला दिला जातो 1 रुपया, महाराष्ट्रातल्या समाजातली अनोखी परंपरा

बीड : भारत हा विविधतेने भरलेला देश आहे. प्रत्येक प्रांत, समाज आणि समुदायामध्ये वेगवेगळ्या संस्कृती, परंपरा आणि चालीरीती पाहायला मिळतात. लग्न समारंभ, सण-उत्सव हे या परंपरांचे जिवंत दर्शन घडवतात. अशाच पारंपरिक परंपरांमध्ये बंजारा समाजातील घोटा या विशेष पद्धतीचे महत्त्व वेगळे आहे. ही परंपरा लग्नाच्या आदल्या दिवशी, म्हणजेच हळद समारंभ झाल्यानंतर पार पडते. गेल्या हजारो वर्षांपासून ही परंपरा बंजारा समाजामध्ये जपली जात असून आजही ती तितक्याच श्रद्धेने पाळली जाते. तर ही परंपरा काय आहे? याबद्दलचं शिकवाडी संघटनेचे पदाधिकारी आणि शिक्षक भारत राठोड यांनी माहिती दिली आहे.