Trending:

Amanjot Kaur : कारपेंटर बापानं बॅट बनवून दिली अन् पोरीने वर्ल्ड कपमध्ये रचला इतिहास, अशी कामगिरी करणारी पहिली खेळाडू!

Published by:Saurabh Talekar

Last Updated:October 01, 2025 8:43 AM IST

India Women vs Sri Lanka Women : अमनजोत कौरने एक मोठा विक्रम आपल्या नावावर केला आहे. महिला वर्ल्ड कपमध्ये नंबर 8 वर येऊन 50 पेक्षा जास्त रन्स करणारी ती भारतीय भूमीवरील पहिली महिला क्रिकेटर ठरली आहे.

इम्पॅक्ट शॉटतुमचा गेटवे लेटेस्ट न्यूज

Womens World Cup 2025 : महिला वर्ल्ड कपच्या पहिल्या मॅचमध्ये टीम इंडियाने (India Women vs Sri Lanka Women) श्रीलंकेसमोर 47 ओव्हरमध्ये 270 रन्सचे लक्ष्य ठेवलं होतं. सुरूवातीलाच मोठी पडझड झाल्यानंतर, नंबर 8 वर बॅटिंगसाठी आलेल्या अमनजोत कौर आणि दीप्ति शर्मा यांच्या दमदार अर्धशतकांनी टीम इंडियाला 269 रन्सच्या मजबूत स्कोरपर्यंत पोहोचवलं. 124-6 अशी परिस्थिती टीम इंडियाची होती. भारताकडून अमनजोत कौरने सर्वाधिक 57 रन्सची धडाकेबाज खेळी केली. तिने ही महत्त्वपूर्ण इनिंग केवळ 56 बॉल्समध्ये पूर्ण केली, ज्यात 5 फोर आणि एक दमदार सिक्सचा समावेश होता. विशेष म्हणजे, अमनजोतने हे अर्धशतक नंबर 8 वर बॅटिंग करताना पूर्ण केलं. पण तुम्हाला माहितीये का? अमनजोत कौरचे वडील हे सुतारकाम करतात. पण पोरीने थेट रेकॉर्ड रचलाय.

पहिली महिला क्रिकेटर ठरली

या अर्धशतकामुळे अमनजोत कौरने एक मोठा विक्रम आपल्या नावावर केला आहे. महिला वर्ल्ड कपमध्ये नंबर 8 वर येऊन 50 पेक्षा जास्त रन्स करणारी ती भारतीय भूमीवरील पहिली महिला क्रिकेटर ठरली आहे. याआधी पूजा वस्त्राकर यांनी 2022 वर्ल्ड कपमध्ये पाकिस्तानविरुद्ध 67 रन्स केले होते, पण ती मॅच भारताबाहेर झाला होता. अमनजोत कौरसोबत दीप्ती शर्मानेही 53 रन्सची महत्त्वाची खेळी केली.

अमनजोत आणि दीप्ति यांची शतकीय भागीदारी

एकेकाळी भारतीय टीम मोठी अडचणीत सापडली होती. स्मृती मंधाना 8 रन्सवर बाद झाल्यानंतर, 26व्या ओव्हरमध्ये हरलीन देओल, जेमिमा रॉड्रिग्स आणि कॅप्टन हरमनप्रीत कौर यांच्यासारख्या महत्त्वाच्या विकेट्स पडल्या. ऋचा घोषही फक्त 2 रन्स करून परतली. मात्र, यानंतर अमनजोत कौर आणि दीप्ति शर्मा यांनी शतकीय भागीदारी रचत संघाचा डाव सावरला आणि स्कोर 269 रन्सपर्यंत नेला.

50 for Amanjot Kaur in the big stage when the team was 124-6 during her arrival#INDWvSLW #Womensworldcup2025 pic.twitter.com/CJr4f5K8eO

— Mumbai Indians FC (@MIPaltanFamily) September 30, 2025

कारपेंटर वडिलांनी बॅट बनवून दिली अन्...

मोहालीमध्ये 25 ऑगस्ट, 2000 रोजी जन्मलेल्या अमनजोतचे वडील भूपिंदर सिंग हे सुतार आहेत. विशेष म्हणजे, त्यांनीच अमनजोतसाठी पहिली बॅट बनवून दिली होती. अमनजोत क्रिकेट खेळण्यास सुरुवात करत असताना तिचे वडील नाराज होते, पण तिच्या आजीने तिला पूर्ण पाठिंबा दिला. वयाच्या 15 वर्षांपर्यंत अमनजोत क्रिकेटसोबतच फुटबॉल, हॉकी आणि हँडबॉल हे खेळ मुलांसोबत खेळायची. त्यानंतर तिने एका ॲकॅडमीत प्रवेश घेतला, जिथे तिच्या बॅट स्विंगची पद्धत प्रशिक्षकांच्या नजरेत आली आणि तिचा क्रिकेटचा प्रवास सुरू झाला.

Location :

Mumbai,Maharashtra

First Published :

October 01, 2025 8:43 AM IST

Amanjot Kaur : कारपेंटर बापानं बॅट बनवून दिली अन् पोरीने वर्ल्ड कपमध्ये रचला इतिहास, अशी कामगिरी करणारी पहिली खेळाडू!