Trending:

W, 1, 0, W, 2, W... ज्याच्या खेळण्यावरून वाद, त्याने एकाच ओव्हरमध्ये संपवली मॅच, गंभीरचा हुकमी एक्का

Published by:Shreyas Deshpande

Last Updated:September 10, 2025 11:48 PM IST

आशिया कप 2025 च्या पहिल्याच सामन्यात टीम इंडियाने युएईचा धुव्वा उडवला आहे. आधी युएईचा 57 रनवर ऑल आऊट केल्यानंतर टीम इंडियाने हे आव्हान 4.3 ओव्हरमध्येच फक्त एक विकेट गमावून पार केलं.

W, 1, 0, W, 2, W... ज्याच्या खेळण्यावरून वाद, त्याने एकाच ओव्हरमध्ये संपवली मॅच, गंभीरचा हुकमी एक्का

दुबई : आशिया कप 2025 च्या पहिल्याच सामन्यात टीम इंडियाने युएईचा धुव्वा उडवला आहे. आधी युएईचा 57 रनवर ऑल आऊट केल्यानंतर टीम इंडियाने हे आव्हान 4.3 ओव्हरमध्येच फक्त एक विकेट गमावून पार केलं. या सामन्यात टीम इंडियाचा कर्णधार सूर्यकुमार यादवने टॉस जिंकून पहिले बॉलिंगचा निर्णय घेतला. भारतीय बॉलर्सनी सूर्यकुमार यादवचा हा निर्णय अगदी योग्य ठरवला. या सामन्यात टीम इंडिया बुमराहच्या रुपात फक्त एक स्पेशलिस्ट फास्ट बॉलर घेऊन मैदानात उतरली होती.

टी-20 क्रमवारीमध्ये पहिल्या क्रमांकावर असलेल्या अर्शदीप सिंगला या सामन्यात खेळण्याची संधी मिळाली नाही. अर्शदीप सिंगऐवजी भारताने कुलदीप यादवला मैदानात उतरवलं. सुरूवातीला या निर्णयामुळे वाद निर्माण झाला होता, पण कुलदीपने त्याच्या एका ओव्हरमध्येच मॅचचं चित्र बदलून टाकलं.

एकाच ओव्हरमध्ये 3 विकेट

कुलदीप यादवने एकाच ओव्हरमध्ये युएईच्या 3 खेळाडूंना पॅव्हेलियनचा रस्ता दाखवला. कुलदीप बॉलिंगला आला तेव्हा युएईचा स्कोअर 9 ओव्हरमध्ये 47 रनवर 2 विकेट एवढा होता. या ओव्हरच्या पहिल्या, चौथ्या आणि सहाव्या बॉलला कुलदीपने विकेट घेतल्या, त्यामुळे युएईची अर्धी टीम 50 रनवरच आऊट झाली होती.

कुलदीप यादवने या सामन्यात उत्कृष्ट कामगिरी केली. इनिंगच्या 9व्या ओव्हरमध्ये त्याने राहुल चोप्राला आऊट केलं, त्यानंतर तिसऱ्या बॉलवर कर्णधार मोहम्मद वसीम आणि मग शेवटच्या बॉलवर हर्षित कौशिकला माघारी धाडलं. याशिवाय कुलदीपने हैदर अलीचीही विकेट मिळवली. या सामन्यात कुलदीपने 2.1 ओव्हरमध्ये 7 रन देऊन 4 विकेट घेतल्या.

युएईचा 57 रनवर ऑलआऊट

या सामन्यात युएईचा फक्त 57 रनवर ऑलआऊट झाला. कुलदीप यादवच्या 4 विकेटशिवाय शिवम दुबने 3 विकेट घेतल्या. तसंच वरुण चक्रवर्ती, जसप्रीत बुमराह आणि अक्षर पटेल यांना एक-एक विकेट घेण्यात यश आलं.

Location :

Mumbai,Maharashtra

First Published :

September 10, 2025 11:48 PM IST

W, 1, 0, W, 2, W... ज्याच्या खेळण्यावरून वाद, त्याने एकाच ओव्हरमध्ये संपवली मॅच, गंभीरचा हुकमी एक्का