Asia Cup : कॅप्टन सूर्याची टीम, पण रोहितने निवडली Playing XI, वर्ल्ड कपनंतर पहिल्यांदाच बाहेर काढलं ट्रम्प कार्ड!

युएईविरुद्धच्या या सामन्यात टीम इंडियाकडे 3 स्पिनर आहेत. मिस्ट्री स्पिनर वरुण चक्रवर्ती, चायनामन कुलदीप यादव आणि डावखुरा स्पिनर अक्षर पटेल यांना प्लेयिंग इलेव्हनमध्ये संधी मिळाली आहे. दुबईमधील खेळपट्टी संथ आणि स्पिन बॉलिंगला मदत करणारी असल्यामुळे भारताने 3 स्पिनर घेऊन खेळण्याचा निर्णय घेतला आहे. याआधी फेब्रुवारी-मार्च महिन्यात युएईमध्ये चॅम्पियन्स ट्रॉफी झाली होती, तेव्हाही रोहित शर्माच्या नेतृत्वात भारताने फास्ट बॉलिंगपेक्षा स्पिनरवरच जास्त विश्वास दाखवला होता, याचा फायदा टीम इंडियाला झाला आणि रोहित शर्माच्या नेतृत्वात भारताने चॅम्पियन्स ट्रॉफीमध्ये विजय मिळवला.

अभिषेक शर्मा, शुभमन गिल, सूर्यकुमार यादव, तिलक वर्मा, संजू सॅमसन, शिवम दुबे, हार्दिक पांड्या, अक्षर पटेल, कुलदीप यादव, जसप्रीत बुमराह, वरुण चक्रवर्ती