Indore : भर रस्त्यात ढसाढसा रडल्या ऑस्ट्रेलियन खेळाडू, पण तो देवासारखा धावला! हॉटेलमधून कॅफेकडे जाताना काय घडलं?

Indore Australia Women Crime : भारतात होत असलेल्या महिला क्रिकेट वर्ल्ड कपमध्ये सहभागी होण्यासाठी आलेल्या दोन ऑस्ट्रेलियन खेळाडूंना छेडछाडीच्या घटनेला सामोरे जावं लागल्याची धक्कादायक घटना समोर आली आहे. ऑस्ट्रेलियन खेळाडूंच्या सुरक्षेसाठी तैनात केलेल्या खेळाडूंसोबत गुरुवारी सकाळी हॉटेलमधून कॅफेकडे जाताना कोणताही सुरक्षा रक्षक किंवा पोलीस जवान नव्हता, अशी धक्कादायक माहिती समोर आली आहे. मिळालेल्या माहितीनुसार, सुरक्षेसाठी तैनात असलेले कर्मचारी त्यांच्या फोनमध्ये इतके व्यग्र होते की, खेळाडू कधी बाहेर पडल्या याची त्यांना कल्पनाही नव्हती.