Ayush Mhatre : 18 वर्षाचा आयुष रोहितच्या पुढे निघाला, जे कुणालाच जमलं नाही तो रेकॉर्ड केला
- Published by:Prashant Gomane
Last Updated:
आयुष म्हात्रेने एक रेकॉर्ड केला आहे. या रेकॉर्डमध्ये आयुष म्हात्रेने रोहित शर्मासह चार दिग्गजांना मागे टाकत अव्वल क्रमांक गाठला आहे.त्यामुळे आयुष म्हात्रेने काय रेकॉर्ड केला आहे? हे जाणून घेऊयात.
Ayush Mhatre News : टीम इंडियाच्या अंडर 19 संघाचा कर्णधार आयुष म्हात्रे सध्या जबरदस्त फॉर्ममध्ये त्याने नुकताच सय्यद मुश्ताक अली ट्रॉफी स्पर्धेत खेळताना शतकं ठोकलं होतं.या शतकाच्या बळावर त्याने संघाला सामनाही जिंकून दिला होता. यासह आयुष म्हात्रेने एक रेकॉर्ड केला आहे. या रेकॉर्डमध्ये आयुष म्हात्रेने रोहित शर्मासह चार दिग्गजांना मागे टाकत अव्वल क्रमांक गाठला आहे.त्यामुळे आयुष म्हात्रेने काय रेकॉर्ड केला आहे? हे जाणून घेऊयात.
मुंबईचा तरुण फलंदाज आयुष म्हात्रेने शुक्रवारी सय्यद मुश्ताक अली ट्रॉफीमध्ये त्याचा आदर्श रोहित शर्माचा विश्वविक्रम मोडला. तो सर्व फॉरमॅटमध्ये शतक करणारा सर्वात तरुण खेळाडू ठरला. शिवाय, 18 वर्षे आणि 135 दिवसांचा असताना, आयुष म्हात्रे वैभव सूर्यवंशी आणि विजय जोएल यांच्यानंतर टी-२० फॉरमॅटमध्ये शतक करणारा तिसरा सर्वात तरुण खेळाडू ठरला.
advertisement
उत्तर प्रदेशची राजधानी लखनऊ येथील भारतरत्न श्री अटल बिहारी वाजपेयी एकाना क्रिकेट स्टेडियमवर विदर्भाविरुद्ध 193 धावांच्या लक्ष्याचा पाठलाग करताना, आयुष म्हात्रेने आठ चौकार आणि तेवढेच षटकार ठोकून आपल्या संघाला 13 चेंडू शिल्लक असताना सात विकेटने विजय मिळवून दिला. वरिष्ठ स्तरावर हा त्याचा फक्त नववा टी20 सामना होता.
advertisement
उजव्या हाताचा फलंदाज आयुष म्हात्रेने या वर्षाच्या सुरुवातीला आयपीएल 2025 मध्ये चेन्नई सुपर किंग्जकडून टी20 पदार्पण केले होते. पाच वेळा विजेत्या चेन्नई सुपर किंग्जने आयपीएल 2026 च्या लिलावापूर्वी ऑक्टोबरमध्ये आयुष म्हात्रेला रिटेन केले. इतक्या लहान वयात मिळालेली ही कामगिरी त्याच्या प्रतिभेचा आणि मॅचमेकिंग परिपक्वतेचा पुरावा आहे.
advertisement
आयुषने 18 वर्षे 135 दिवसांच्या वयात तिन्ही फॉरमॅटमध्ये (प्रथम श्रेणी, लिस्ट ए आणि टी-२०) शतके झळकावली. यापूर्वी, हा विक्रम रोहित शर्माच्या नावावर होता, ज्याने 19 वर्षे 339 दिवसांच्या वयात ही कामगिरी केली होती. 2007 मध्ये मुंबईसाठी रोहित शर्माने भारताचे पहिले टी20 शतक झळकावले.
advertisement
तिन्ही फॉरमॅटमध्ये सर्वात कमी वयात शतके झळकावणारे खेळाडू
18 वर्षे 135 दिवस: आयुष म्हात्रे
19 वर्षे 339 दिवस: रोहित शर्मा
20 वर्षे 0 दिवस: उन्मुक्त चंद
20 वर्षे 62 दिवस: क्विंटन डी कॉक
advertisement
20 वर्षे 97 दिवस: अहमद शहजाद
लिस्ट ए क्रिकेटमध्येही विश्वविक्रम आयुष म्हात्रेने जानेवारी 2025 मध्ये लिस्ट ए क्रिकेटमध्येही इतिहास रचला. 17 वर्षे 168 दिवसांच्या वयात, आयुषने नागालँडविरुद्ध 181 धावा करून सर्वात कमी वयात लिस्ट ए शतकवीराचा विश्वविक्रम केला.
advertisement
Location :
Mumbai,Maharashtra
First Published :
November 29, 2025 11:18 PM IST
मराठी बातम्या/स्पोर्ट्स/
Ayush Mhatre : 18 वर्षाचा आयुष रोहितच्या पुढे निघाला, जे कुणालाच जमलं नाही तो रेकॉर्ड केला


