Rohit Sharma : रोहित शर्मा असं काय करणार? शाहिद आफ्रिदी घरातला TV फोडणार, IND vs SA मॅचमध्ये ड्रामा!
- Published by:Shreyas Deshpande
Last Updated:
भारत आणि दक्षिण आफ्रिका यांच्यातल्या 3 वनडे मॅचच्या सीरिजला रविवार 30 नोव्हेंबरपासून सुरूवात होत आहे. सीरिजचा पहिला सामना रांचीच्या जेएससीए आंतरराष्ट्रीय स्टेडियममध्ये खेळवला जाणार आहे.
रांची : भारत आणि दक्षिण आफ्रिका यांच्यातल्या 3 वनडे मॅचच्या सीरिजला रविवार 30 नोव्हेंबरपासून सुरूवात होत आहे. सीरिजचा पहिला सामना रांचीच्या जेएससीए आंतरराष्ट्रीय स्टेडियममध्ये खेळवला जाणार आहे. या सामन्यातून रोहित शर्मा आणि विराट कोहली यांचं पुन्हा एकदा टीम इंडियामध्ये कमबॅक झालं आहे. विराट आणि रोहितच्या पुनरागमनामुळे लाखो चाहत्यांच्या आशा पुन्हा जागृत झाल्या आहेत. रोहित शर्मा हा रांचीतील अनेक चाहत्यांचा लाडका आहे. मागच्या महिन्यात ऑस्ट्रेलियाविरुद्ध झालेल्या सीरिजमध्ये रोहितला प्लेअर ऑफ द सीरिज देऊन गौरवण्यात आलं होतं, यानंतर आता रोहित दक्षिण आफ्रिकेविरुद्धही अशीच कामगिरी करेल, अशी अपेक्षा चाहत्यांना आहे.
ऑस्ट्रेलियाविरुद्धच्या वनडे सीरिजमध्ये रोहितने एक शतक आणि एक अर्धशतक झळकावलं होतं. आता दक्षिण आफ्रिकेविरुद्धच्या सीरिजमध्ये रोहितच्या नावावर नवा विश्वविक्रम होणार आहे. रोहितच्या या विक्रमामुळे शाहिद आफ्रिदी नंबर दोन होणार हे निश्चित झालं आहे.
रोहित होणार सिक्सर किंग
दक्षिण आफ्रिकेविरुद्धच्या वनडे सीरिजमध्ये रोहित शर्मा वनडे क्रिकेटच्या इतिहासात सर्वाधिक सिक्स मारणारा क्रिकेटपटू होईल. सध्या हा विक्रम पाकिस्तानचा माजी क्रिकेटपटू शाहिद आफ्रिदीच्या नावावर आहे. आफ्रिदीने 398 सामन्यांमध्ये 351 सिक्स मारले आहेत, तर रोहितच्या नावावर 276 सामन्यांमध्ये 351 सिक्स आहेत. रोहितला शाहिद आफ्रिदीला मागे टाकायला फक्त 3 सिक्सची गरज आहे. रांचीमध्येच रोहित शर्मा हा विक्रम मोडेल, असा विश्वास चाहत्यांनी व्यक्त केला आहे.
advertisement
रोहितचं भवितव्य काय?
बीसीसीआय लवकरच कोच गौतम गंभीर, निवड समिती प्रमुख अजित आगरकर, विराट कोहली आणि रोहित शर्मा यांची बैठक घेईल. या बैठकीत विराट आणि रोहितच्या 2027 च्या वनडे वर्ल्ड कपच्या सहभागाबाबत मोठा निर्णय होऊ शकतो, असं वृत्त समोर आलं आहे. बीसीसीआयला रोहित आणि विराटबद्दल टीम मॅनेजमेंटचा दृष्टिकोन जाणून घ्यायचा आहे. ऑस्ट्रेलियाविरुद्धच्या सीरिजमध्ये रोहितला प्लेअर ऑफ द सीरिज पुरस्कार मिळाला, पण त्याने बॅटिंगमध्ये जोखीम पत्करली नाही, त्यामुळे रोहितने आक्रमकपणे बॅटिंग करावी, अशी बीसीसीआयची इच्छा आहे.
view commentsLocation :
Mumbai,Maharashtra
First Published :
November 29, 2025 11:18 PM IST
मराठी बातम्या/स्पोर्ट्स/
Rohit Sharma : रोहित शर्मा असं काय करणार? शाहिद आफ्रिदी घरातला TV फोडणार, IND vs SA मॅचमध्ये ड्रामा!
