वैभव सूर्यवंशीचं तोडफोड शतक, पण... भाव खाऊन गेला टीम इंडियाचा दुसरा ओपनर, वडिलांचं तुटलेलं स्वप्न पूर्ण केलं!

मुंबई : दक्षिण आफ्रिकेविरुद्धच्या अंडर-19 यूथ वनडेमध्ये वैभव सूर्यवंशी आणि एरॉन जॉर्ज यांनी वादळी शतकं केली आहेत. वैभव सूर्यवंशीने 74 बॉलमध्ये 127 रन तर एरॉन जॉर्जने 106 बॉलमध्ये 118 रनची खेळी केली. जॉर्जने त्याच्या इनिंगमध्ये 16 फोर मारल्या. या दोघांच्या शतकांमुळे भारताने पहिले बॅटिंग करताना 50 ओव्हरमध्ये 393/7 पर्यंत मजल मारली. 19 वर्षीय जॉर्ज वैभव सूर्यवंशीप्रमाणेच भारताचा विश्वासू ओपनर म्हणून तयार होत आहे. एरॉन जॉर्ज हा फक्त त्याच्या आक्रमक शॉट्सवर अवलंबून नाही, तर उत्कृष्ट फूटवर्क आणि उंच बॅकलिफ्टच्या जोरावर तो मैदानाच्या चारही बाजूंना शॉट्स मारू शकतो. एरॉन जॉर्जची तुलना संजू सॅमसनसोबतही केली जाते.