धक्कादायक! भारतीय क्रिकेटपटूचा मैदानातच मृत्यू, बॅटिंगनंतर जागेवरच कोसळला

मुंबई : क्रिकेट मॅच सुरू असतानाच बॅटिंग केल्यानंतर भारतीय क्रिकेटपटूचं निधन झालं आहे. स्थानिक क्रिकेट मॅचवेळी हा क्रिकेटपटू जागेवरच कोसळला आणि त्याचा मृत्यू झाला आहे. मिझोरमचा माजी रणजी क्रिकेटपटू के. लालरेमरुआता याचं गुरूवारी हृदयविकाराच्या झटक्य़ाने निधन झालं आहे. मिझोरमच्या ऐझॉलजवळील मावबोक येथील रहिवासी असलेला 38 वर्षीय लालरेमरुआता हा दुसऱ्या विभागीय स्पर्धेत वैनगुई रेडर्स क्रिकेट क्लबकडून खेळत होता, तेव्हा त्याला हृदयविकाराचा झटका आला आणि त्याचं निधन झाले.