Trending:

IND vs ENG : सामना ड्रॉ केल्याचा आनंद क्षणभरही टिकला नाही, टीम इंडियाच्या ड्रेसिंग रुममधून आली वाईट बातमी!

Published by:Saurabh Talekar

Last Updated:July 28, 2025 7:45 AM IST

Rishabh pant ruled out of 5th test : भारत आणि इंग्लंड यांच्यातील टेस्ट सीरीजमधील शेवटच्या आणि पाचव्या मॅचआधी भारतीय टीमला मोठा धक्का बसला आहे.

इम्पॅक्ट शॉटतुमचा गेटवे लेटेस्ट न्यूज

N Jagadeesan replaced Rishabh pant : मँचेस्टर टेस्टमध्ये इंग्लंडच्या तोंडचं पाणी पाळवून टीम इंडिया सामना ड्रॉ करण्यात यशस्वी ठरली आहे. भारतीय फलंदाजांनी तब्बल 5 सेशन बॅटिंग करून इंग्लंडच्या बॉलिंग लाईनअपला उद्धवस्त करून सोडलं. शुभमन गिल, केएल राहुल, रविंद्र जडेजा आणि वॉशिंग्टन सुंदर यांनी अफलातून बॅटिंग करत इंग्लंडच्या बॉलर्सला थैयाथैया नाचवलं. मात्र, मॅच ड्रॉ झाल्याचा आनंद टीम इंडियाच्या ड्रेसिंगमध्ये जास्त वेळ टिकला नाही. बीसीसीआयने अशी काही बातमी दिली की, सर्वांचा हिरमोड झाला.

बीसीसीआयची रात्री उशिरा पोस्ट

भारत आणि इंग्लंड यांच्यातील टेस्ट सीरीजमधील शेवटच्या आणि पाचव्या मॅचआधी भारतीय टीमला मोठा धक्का बसला आहे. भारताचा स्टार विकेटकीपर-बॅट्समन ऋषभ पंत दुखापतीमुळे या निर्णायक मॅचमधून (Rishabh pant ruled out of 5th test) बाहेर झाला आहे. त्याच्या उजव्या पायाला फ्रॅक्चर झाले असून, बीसीसीआयने मध्यरात्री एक्स या सोशल मीडिया प्लॅटफॉर्मवर याबाबत माहिती दिली. पंतच्या जागी एन. जगदीशनला भारतीय टीममध्ये संधी देण्यात आली आहे.

एन. जगदीशनला भारतीय टीममध्ये स्थान

ऋषभ पंतच्या अनुपस्थितीमुळे, तमिळनाडूचा विकेटकीपर-बॅट्समन एन. जगदीशनला भारतीय टीममध्ये स्थान मिळाले आहे. त्याने देशांतर्गत क्रिकेटमध्ये अनेकदा आपल्या बॅटने प्रभावित केले आहे. विशेषतः लिस्ट ए क्रिकेटमध्ये त्याने 277 रन्सची विक्रमी इनिंग्ज खेळली आहे. त्याच्या समावेशामुळे टीमला एक नवीन पर्याय मिळाला आहे. त्यामुळे आता ध्रुव जुरैल याला संधी मिळणार की, एन. जगदीशनला थेट मैदानात उतरवणार, असा सवाल विचारला जातोय.

Rishabh Pant ruled out of fifth Test due to injury; N Jagadeesan named replacement.

All The Details #TeamIndia | #ENGvIND

— BCCI (@BCCI) July 27, 2025

पाचव्या कसोटी सामन्यासाठी टीम इंडियाचा स्कॉड -

शुभमन गिल (कॅप्टन), यशस्वी जयस्वाल, केएल राहुल, साई सुदर्शन, अभिमन्यू ईश्वरन, करुण नायर, रवींद्र जडेजा, ध्रुव जुरेल (विकेटकीपर), वॉशिंग्टन सुंदर, शार्दुल ठाकूर, जसप्रीत बुमराह, मोहम्मद सिराज, प्रसिद्ध कृष्णा, आकाश दीप, कुलदीप यादव, अंशुल कंबोज, अर्शदीप सिंग, एन जगदीशन (विकेटकीपर).

view comments

Location :

Mumbai,Maharashtra

First Published :

July 28, 2025 7:45 AM IST

IND vs ENG : सामना ड्रॉ केल्याचा आनंद क्षणभरही टिकला नाही, टीम इंडियाच्या ड्रेसिंग रुममधून आली वाईट बातमी!