Smriti Mandhana : 'स्मृतीची साथ सोडणार नाही...', जेमिमा मॅचसाठी मैदानात उतरली नाही, मैत्रिणीसाठी ठाम उभी राहिली!

मुंबई : स्मृती मानधना आणि पलाश मुच्छल यांचं रविवार 23 नोव्हेंबरला होणारं लग्न पुढे ढकलण्यात आलं आहे. लग्नाच्या दिवशीच स्मृतीच्या वडिलांना हृदयविकाराचा झटका आल्यामुळे लग्न पुढे ढकललं गेल्याचं दोन्ही बाजूच्या कुटुंबाकडून सांगण्यात आलं आहे, पण सोशल मीडियावर मात्र उलटसुलट चर्चा सुरू आहेत. स्मृती आणि तिच्या टीम इंडियातल्या मैत्रिणींनी लग्नासंबंधी सगळे फोटो सोशल मीडियावरून हटवले आहेत, त्यातच आता स्मृतीची खास मैत्रिण आणि टीम इंडियाची खेळाडू जेमिमा रॉड्रिग्जने मोठा निर्णय घेतला आहे.