इंग्लंडचा ट्रिपल धमाका, World Cup पॉईंट्स टेबलमध्ये उलटफेर, टीम इंडियाच्या अडचणी वाढल्या!

कोलंबो : इंग्लंडची कर्णधार नताली सायव्हर ब्रंटचं शतक आणि डावखुरी स्पिनर सोफी एक्लेस्टोनच्या शानदार कामगिरीमुळे महिला वर्ल्ड कपमध्ये इंग्लंडने श्रीलंकेचा 89 रननी पराभव केला आहे. नताली सायव्हर ब्रंटने 117 रनची खेळी केली, महिला वर्ल्ड कपमधलं नतालीचं हे पाचवं शतक होतं. आतापर्यंत दुसऱ्या कोणत्याच महिला क्रिकेटपटूला वनडे वर्ल्ड कपमध्ये एवढी शतकं करता आलेली नाहीत. आतापर्यंत चार वेळा वर्ल्ड कप जिंकलेल्या इंग्लंडचा यंदाच्या वर्ल्ड कपमधला 3 सामन्यांमधला हा तिसरा विजय आहे. याआधी इंग्लंडने दक्षिण आफ्रिका आणि बांगलादेशचा पराभव केला होता.