बस कंडक्टरची मुलगी पहिल्यांदा डाॅक्टर, नंतर IAS अधिकारी झाली, आजही लाखो विद्यार्थ्याची आहे प्रेरणा!

हॉस्पिटलमध्ये काम करत असताना रेणू राज यांनी गरीबी, आरोग्य सुविधांची कमतरता आणि सामाजिक असमानता यांसारख्या समस्या अगदी जवळून पाहिल्या. एके दिवशी त्यांची एका अशा रुग्णाशी भेट झाली, ज्याची अवस्था पाहून त्यांना जाणवले की केवळ उपचाराने समाजातील समस्या सुटणार नाहीत. मोठ्या स्तरावर बदल घडवण्यासाठी प्रशासकीय सेवेत सामील होणेच योग्य आहे, हे त्यांनी ओळखले. त्यांनी नोकरी करत असतानाच UPSC परीक्षेची तयारी केली. त्यांच्या कठोर परिश्रमाचे फळ मिळाले आणि 2014 मध्ये त्यांनी पहिल्याच प्रयत्नात UPSC परीक्षेत दुसरा क्रमांक मिळवला.

IAS अधिकारी बनल्यानंतर रेणू राज यांनी अनेक महत्त्वाच्या पदांवर काम केले. गरीब आणि गरजू लोकांसाठी काम करण्याला त्यांनी नेहमीच प्राधान्य दिले. सध्या डॉ. रेणू राज केरळ सरकारच्या अनुसूचित जमाती विकास विभागाच्या संचालक म्हणून कार्यरत आहेत. यासोबतच त्या आदिवासी पुनर्वसन आणि विकास मिशनच्या विशेष अधिकारी म्हणूनही काम पाहत आहेत. यापूर्वी त्यांनी वायनाड आणि एर्नाकुलम जिल्ह्यांच्या जिल्हाधिकारी म्हणूनही काम केले आहे.