ठाणे ते बेलापूर प्रवास सुपरफास्ट होणार! नवी मुंबई महापालिकेचा मोठा निर्णय

नवी मुंबई महापालिका प्रशासनाने ठाणे-बेलापूर मार्गावर तीन ठिकाणी उड्डाणपूल उभारण्याचे नियोजन केले आहे. या प्रकल्पावर आणि संबंधित कामांवर सुमारे 900 कोटी रुपयांचा खर्च अपेक्षित आहे. तुर्भे परिसरात हा मार्ग सायन-पनवेल महामार्गाला जोडत असल्याने दररोज मोठी वाहतूककोंडी निर्माण होते. त्यामुळे या ठिकाणी बीएसएफ कंपनी ते हुंदाई शोरूमदरम्यान डबलडेकर पूल उभारण्याची तयारी सुरू आहे.

रबाळे आणि ऐरोली परिसरात संध्याकाळच्या वेळी वाहनचालकांना तासनतास अडकून पडावे लागते. नवी मुंबई आंतरराष्ट्रीय विमानतळ सुरू झाल्यानंतर या मार्गावर वाहनांची संख्या आणखी वाढेल. त्यामुळे वाहतूक व्यवस्थेची तयारी आत्तापासूनच सुरू करण्यात आली आहे.

या तिन्ही उड्डाणपुलांवर होणारा खर्च पुढीलप्रमाणे —

तुर्भे स्टोअर्स येथील उड्डाणपुलाचे काम सध्या सुरू आहे. त्यामुळे या भागातील वाहतूक मोकळी होत असली तरी पुढे तुर्भे नाका येथे वाढणाऱ्या वाहतुकीचा ताण लक्षात घेऊन डबलडेकर पूल उभारण्याची हालचाल महापालिकेने सुरू केली आहे. हा पूल वाहतूक कोंडी फोडण्यासाठी निर्णायक ठरणार आहे. नवी मुंबई महापालिकेचे शहर अभियंता शिरीष आरदवाड यांनी सांगितले की, “ठाणे-बेलापूर मार्गावरील वाहतूक मोकळी करण्यासाठी हे तीन उड्डाणपूल निर्णायक ठरतील. लवकरच कामाचे इस्टिमेट तयार करून पुढील प्रक्रिया सुरू करण्यात येईल