Thane Crime : सोन्याची पिन मागितली अन् पसार झाल्या, 'त्या' महिलांचं मोठं कांड, दुकानदारही हैराण
Last Updated:
Thane Jewellery Heist : ठाण्यातील एका ज्वेलर्स दुकानातून 40–60 वयोगटातील तीन महिलांनी दागिने खरेदीच्या बहाण्याने एक लाख दोन हजारांच्या सोन्याची चोरी केली. पोलिसांनी तिन्ही अज्ञात महिलांविरुद्ध गुन्हा दाखल करून तपास सुरू केला आहे.
ठाणे : ठाणे शहरात पुन्हा एकदा चोरीच्या घटनांमध्ये दिवसेंदिवस वाढ होताना दिसत आहे. पण यावेळी महिलांच्या टोळीने चक्क दागिने खरेदी करण्याच्या बहाण्याने सराफाचं दुकान लुटल्याची धक्कादायक घटना समोर आली आहे. खोपट परिसरातील हंसनगर भागातील एका दुकानात घडलेल्या या घटनेने व्यापाऱ्यांमध्ये मोठी खळबळ उडाली आहे.
एका क्षणात दुकानदाराचा विश्वासघात
1 नोव्हेंबर रोजी दुपारी 40 ते 60 वयोगटातील तीन महिलांचा गट या सराफाच्या दुकानात दाखल झाला. दुकानदार रवींद्र सरफळे (वय 50) यांच्याकडे त्यांनी सोन्याच्या पिना पाहण्याची विनंती केली. महिलांना सांगिल्यानंतर सरफळे यांनी काउंटरवर विविध डिझाईन्स दाखवायला सुरुवात केली. त्याचवेळी महिलांपैकी एकीने दुकानदारात लक्ष विचलित केलं, तर दुसरीने पिशवीतून काही दागिने हळूच गायब केले. काही क्षणांतच त्या तीनही महिला आम्ही खेरदी विचार करून येतोअसं सांगत दुकानाबाहेर गेल्या.
advertisement
थोड्या वेळानंतर दागिन्यांची मोजणी करताना दुकानदाराच्या लक्षात आलं की जवळपास एक लाख दोन हजार रुपयांचे सोन्याचे दागिने गायब झाले आहेत. तत्काळ त्यांनी नौपाडा पोलिस ठाण्यात तक्रार दाखल केली. पोलिसांनी दुकानातील सीसीटीव्ही फुटेज तपासले असता तिन्ही महिलांनी अत्यंत चालाखिने चोरी केल्याचे स्पष्ट झाले.
सध्या पोलिसांनी तिन्ही महिलांविरुद्ध गुन्हा दाखल करून त्यांच्या शोधासाठी पथक तयार केले आहे. फुटेजमधून मिळालेल्या चेहऱ्यांच्या आधारे तपास सुरू असून या महिलांची टोळी इतर ठिकाणीही सक्रिय असल्याचा पोलिसांचा अंदाज आहे.
view commentsLocation :
Mumbai,Maharashtra
First Published :
November 13, 2025 2:00 PM IST
मराठी बातम्या/ठाणे/
Thane Crime : सोन्याची पिन मागितली अन् पसार झाल्या, 'त्या' महिलांचं मोठं कांड, दुकानदारही हैराण
