सहर शेखला तिकीट का दिलं नाही? जितेंद्र आव्हाडांनी मुंब्य्रातून जाऊन सांगितलं, भावुकही झाले VIDEO

राष्ट्रवादी शरदचंद्र पवार गटाचे नेते जितेंद्र आव्हाड यांनी आज मंगळवारी मुब्र्यांत जोरदार शक्ती प्रदर्शन करत विजय रॅली काढत जल्लोष साजरा केला. ठिकठिकाणी आव्हाड यांचं जंगी स्वागत झालं. यावेळी झालेल्या सहर शेख आणि तिच्या वडिलांना  तिकीट का दिलं नाही, याबद्दल आव्हाडांनी जाहीर खुलासा केला.

"तिकीट घेण्यासाठी ४० जण समोर होते. आता कुणा कुणाला तिकीट द्यायचं. आता ती काय भाकरी होती का, एका घरात ४ तुकडे करून खाणार होता? नाही देऊ शकलो तर नाही देऊ शकलो. तिकीट न मिळाल्यामुळे तुमचं नाराज असणं मी समजू शकतो. तिकीटावर तुमचा हक्का होता. स्टेशन परिसरात असं झालं, अनेक भागामध्ये झालं, रशिद कम्पाऊंडमध्ये झालं आहे. रशीद भाई ही लढाई प्रेमाने जिंकायची असते. त्यामुळे या शहराला मी प्रेमाने जिंकलं होतं, असं म्हणत आव्हाड यांनी पहिल्यांदाच तिकीट वाटपाच्या मुद्यावर भाष्य केलं.