तुमच्या घरी देखील लहान मुली मेकअप करतात? तर आताच थांबवा, नाहीतर होतील गंभीर परिणाम

अमरावती : सध्या फॅशनच्या ओघात अगदी लहान मुलींमध्येही मेकअपचा ट्रेंड झपाट्याने वाढताना दिसतोय. शाळेत जाणाऱ्या, फक्त 10-12 वर्षांच्या मुली देखील आय लाइनर, आय शॅडो, लिपस्टिक आणि इतर मेकअप प्रॉडक्टचा वापर करू लागल्या आहेत. सोशल मीडियावरील व्हिडिओज, स्टाईल आणि पटकन सुंदर दिसण्याची इच्छा यामुळे या वयातच मुली मेकअपकडे आकर्षित होत आहेत. परंतु, तज्ज्ञांच्या मते या गोष्टीकडे फक्त सौंदर्याचा भाग म्हणून न पाहता आरोग्याच्या दृष्टीनेही विचार करणं आवश्यक आहे. कारण केमिकल असलेल्या मेकअप प्रॉडक्टमुळे आरोग्य धोक्यात येऊ शकते.