अपघात झाला अन् आयुष्याला मिळाले वेगळे वळण, स्वप्नीलचा वन मॅन बँड, पर्यावरण जनजागृतीसाठी करतोय अनोखे काम

पुणे : पुण्यातील स्वप्नील ठाकूर हा तरुण वन मॅन बँडच्या माध्यमातून जंगलसंवर्धन, वन्यजीव संरक्षण आणि पर्यावरणाबाबत जनजागृती करण्याचे अनोखे कार्य करत आहे. तरुणाई आज विविध क्षेत्रात आपली छाप उमटवत असताना, स्वप्नीलने संगीताचा वापर थेट समाजजागृतीसाठी करून एक वेगळीच दिशा दाखवली आहे. त्याच्या या उपक्रमामुळे शहराबरोबरच ग्रामीण भागातील अनेक तरुणांमध्ये निसर्गप्रेम जागृत होत आहे.