Israel Iran Conflict : 'तेहरान थरथर कापेल...', इराणच्या क्षेपणास्त्र हल्ल्यावर इस्रायलने दिली धमकी

इस्रायली माध्यमांनी दिलेल्या वृत्तानुसार, इराणने युद्धबंदीचे उल्लंघन केले आणि क्षेपणास्त्र हल्ले केले, त्यानंतर उत्तर आणि दक्षिण इस्रायलमध्ये हल्ल्याचे सायरन ऐकू आले. इराणने केलेल्या इस्रायलच्या बियर शेबा आणि नेवाटिम तळांना लक्ष्य करण्यात आले आहे. इराणच्या क्षेपणास्त्र हल्ल्यात बियर शेबा येथील एक इमारत पूर्णपणे उद्ध्वस्त झाली. यामध्ये किमान 13 लोकांचा मृत्यू झाल्याचे वृत्त आहे. मात्र, इस्रायली अधिकाऱ्यांनी 4 जणांच्या मृत्यूची पुष्टी केली आहे. त्यांच्या मते, या क्षेपणास्त्र हल्ल्यात 7 जण जखमी झाले आहेत, तर काही जण बेपत्ता आहेत.