अजबच! 19 महिन्यांत फक्त एका वर्षाने वाढतं 'या' व्यक्तीचं वय, काय आहे नेमकं प्रकरण?

मुंबई : सध्याच्या काळात आपल्या वयाच्या तुलनेत जास्त तरुण दिसण्याची क्रेझ आहे. अतिशय आधुनिक तंत्रज्ञानाचा वापर करून तरुण राहण्याचा प्रयत्न केल्याच्या बातम्याही तुम्ही ऐकल्या किंवा वाचल्या असतील. आताही अशीच एक बातमी प्रसिद्ध झाली आहे. 46 वर्षांचा सॉफ्टवेअर अब्जाधीश ब्रायन जॉन्सन गेल्या कित्येक वर्षांपासून आपलं जैविक वय कमी करण्याच्या प्रयत्नात होता. त्याने आता असा दावा केला आहे, की त्याने आपलं वय वाढण्याचा वेग इतका कमी केला आहे की तो दर 19 महिन्यांनी आपला वाढदिवस साजरा करू शकतो. आपल्या वय कमी करण्याच्या ध्यासासाठी 2013मध्ये ब्रायनने आपली Braintree Venmo ही कंपनी पेपालला 800 मिलियन डॉलर्सना विकली होती. तेव्हापासून तो आपल्या शरीरावर वर्षाला अंदाजे दोन मिलियन डॉलर्स खर्च करत आहे.