World War III : तिसरं महायुद्ध सुरू झालं? आपल्याला कसं समजणार? कशी होते याची घोषणा?

सध्या जग अनेक आघाड्यांवर युद्धसदृश परिस्थितीचा सामना करत आहे. रशिया आणि युक्रेनमधील सुरू असलेलं युद्ध, तैवानवर चीनची नजर, उत्तर कोरियाच्या क्षेपणास्त्र चाचण्या आणि इस्रायल आणि इराणमधील तणाव या सर्वांमुळे जग तिसऱ्या महायुद्धाच्या उंबरठ्यावर आलं आहे. फरक एवढाच आहे की यावेळी युद्ध केवळ शस्त्रांनी लढलं जाणार नाही, तर डेटा, अवकाश, इंटरनेट आणि कृत्रिम बुद्धिमत्तेच्या माध्यमातूनही लढलं जाईल.

आता तिसरं महायुद्ध सुरू झालं असेल तरी याची अधिकृत घोषणा कोण आणि कुठून करेल असा प्रश्न आहेच. तर तिसऱ्या महायुद्धाची घंटा वाजणार नाही आणि कोणताही नेता त्याची घोषणा करणार नाही. पण जेव्हा एकाच वेळी अनेक आघाड्यांवर गोळ्या सुरू होतात, जेव्हा जगातील देश एकमेकांवर निर्बंध लादण्यास सुरुवात करतात आणि जेव्हा तुम्ही सामान्य जीवनातून थेट आपत्कालीन परिस्थितीत जाता तेव्हा समजून घ्या की तिसरं महायुद्ध सुरू झालं आहे.

तिसऱ्या महायुद्धाच्या सुरुवातीला रशिया विरुद्ध नाटो, चीन विरुद्ध तैवान, इराण विरुद्ध इस्रायल अशा अनेक देशांमध्ये एकाच वेळी युद्धं सुरू होतील.