Kitchen Jugaad Video : श्रावण सुरू होण्याआधी गॅसवर ठेवा वेलची, श्रावणात होतील फायदे

वेलचीचा वापर आपण गोड पदार्थ, चहामध्ये करतो. याचा सुगंध येतो आणि त्यामुळे चवही छान लागते. पण वेलची वापरण्याआधी ती गॅसवर ठेवा असा सल्ला एका महिलेनं दिला आहे.  वेलची गॅसवर ठेवण्याचा हा जुगाड तिनं दाखवला आहे. महिलेने व्हिडीओत दाखवल्यानुसार गॅसवर जेवण बनवताना गॅस स्टोव्ह गरम असतो. त्यावेळी तिथं ही वेलची ठेवून द्या. काही वेळाने गॅसवरील वेलची बाजूला काढा.

Avika Rawat Foods युट्युब चॅनेलवर हा व्हिडीओ पोस्ट करण्यात आला आहे. व्हिडीओ पाहण्यासाठी इथं क्लिक करा.

रक्तदाब नियंत्रण : वेलची रक्तदाब कमी करण्यासाठी उपयुक्त ठरू शकते. वेलचीमध्ये असलेले अँटी-ऑक्सिडेंट आणि लघवीचे प्रमाण वाढवणारा पदार्थ रक्तदाब कमी करण्यास मदत करतो.

पचनाच्या समस्या : आजकालच्या जीवनशैलीत अपचन, गॅस, अॅसिडिटी आणि बद्धकोष्ठता यांसारख्या समस्या असणे अगदी कॉमन आहे. ही समस्या दूर करण्यात वेलचीही चांगली भूमिका बजावू शकते.

संसर्ग होत नाही : ऋतू बदलामुळे होणारे विविध प्रकारचे फंगल इन्फेक्शन, फूड पॉयझनिंग आणि पोटाशी संबंधित समस्या दूर करण्यासाठीही तुम्ही वेलचीची मदत घेऊ शकता. याचे कारण असे की वेलचीमध्ये असलेले आवश्यक तेले आणि अर्क विविध प्रकारच्या जीवाणूंविरूद्ध लढण्यासाठी प्रभावी ठरू शकतात.

रक्तातील साखरेची पातळी : उंदरांवरील अभ्यासात असे दिसून आले आहे की, वेलची उच्च रक्तातील साखरेची पातळी कमी करण्यास मदत करू शकते.

उलट्या, अस्वस्थता : वेलचीचा उपयोग पचनशक्ती राखण्यासाठी तसेच अस्वस्थता, मळमळ आणि उलट्या यांसारख्या समस्यांपासून आराम मिळवण्यासाठी केला जातो. वेलची इतर औषधी मसाल्यांमध्ये मिसळून देखील वापरले जाते.