बाबो! दिवसभर फक्त फोनवर बोलून तरुणाने महिनाभरातच कमावले 4.5 कोटी; कमाईची पद्धत पाहून पोलीसही शॉक

राजस्थानच्या नागौरमधील हे प्रकरण आहे.  21 वर्षांचा सुफियान इस्माईल शेख. दिवसभर फोनवर बोलणं, खाते क्रमांक देणं अशी कामं तो करत असते. एका महिन्यात या तरुणाने साडेचार कोटी रुपये कमावले. सुफियानचा पाठलाग करताना नागौर पोलिसांनी मुंबई गाठली. त्याने आपल्या कमाईची पद्धत सांगितल्यावर अधिकाऱ्यांना धक्काच बसला.

आरोपी सुफियानचे आंतरराज्यीय सायबर फसवणूक करणाऱ्या टोळीशी संबंध होते. त्याने देशभरात 72 ठिकाणी फसवणुकीच्या घटना घडवून आणल्या. सर्वात आश्चर्याची बाब म्हणजे एका महिन्यात त्याने एकूण 4 कोटी 45 ​​लाख रुपयांची फसवणूक केली. संपूर्ण रक्कम इतर खात्यांमध्ये हस्तांतरित केली. आरोपीनं त्याचं करंट अकाऊंट उघडलं होतं. तो सायबर गुन्हेगारांना अकाऊंट उपलब्ध करून द्यायचा. या संपूर्ण प्रकरणात पोलिसांनी आतापर्यंत दीडशेहून अधिक बँक खाती गोठवली आहेत.