घरातून गायब झाली मुलगी, पोलिसांनी शोधून काढलं; तरी झाले निलंबित, पण का?

सुमारे सहा महिन्यांपूर्वी हायवे पोलीस स्टेशन हद्दीतील एका तरुणाने राया पोलीस स्टेशन हद्दीतील एका गावातील एका मुलीला फूस लावली होती. त्यानंतर मुलीच्या कुटुंबीयांनी गुन्हा दाखल केला होता. सूत्रांनी दिलेल्या माहितीनुसार, बऱ्याच प्रयत्नांनंतर पोलिसांनी 26 जुलै रोजी मुलीला ताब्यात घेतलं होतं. मात्र तिची प्रकृती खालावल्याने तिला पोलिसांच्या देखरेखीखाली जिल्हा रुग्णालयात दाखल करण्यात आलं.

पण यानंतर ती मुलगी दुसऱ्याच दिवशी रुग्णालयातन पळून गेली. मुलीने पोलिसांना चकमा देत तिनं पळ काढला.  त्यामुळे पोलीस विभागात खळबळ उडाली.  निष्काळजीपणा केल्याप्रकरणी दोन पोलीस कर्मचाऱ्यांना निलंबित करण्यात आलं आहे. एक पोलीस स्टेशन अधिकारी आणि एका महिला कॉन्स्टेबलला निलंबित करण्यात आलं आहे.  पोलीस सूत्रांनी सांगितलं की, वरिष्ठ पोलीस अधीक्षक शैलेश कुमार पांडे यांनी राया पोलीस स्टेशनच्या अनोरा पोलीस चौकीचे प्रभारी निरीक्षक विजय सिंह यादव आणि लेडी कॉन्स्टेबल पूनम यांना कर्तव्यात कसूर केल्याच्या आरोपावरून निलंबित केलं आहे. आता मुलीचा शोध सुरू आहे.

याआधी मध्य प्रदेशच्या भोपाळमधील एका खासगी एनजीओच्या वसतिगृहातून मुली गायब झाल्यानंतर मोठा वाद सुरू झाला. बालिकागृहातून 26 मुली अचानक गायब झाल्या होत्या. या मुली गुजरात, राजस्थान, झारखंडसह मध्य प्रदेशातील सीहोर, रायसेन, छिंदवाडा आणि बालाघाट परिसरातील रहिवासी होत्या.