किंग कोब्रापेक्षाही विषारी प्राणी! चावताच होतो मृत्यू, याच्या विषाला औषधही नाही

किंग कोब्रा ज्याच्या विषाचा एक थेंब 100 लोकांना मारण्यासाठी पुरेसा आहे. पण हा प्राणी ज्याच्या विषात 100 पेक्षा जास्त विषांचं मिश्रण असतं. ज्यामुळे ते किंग कोब्राच्या विषापेक्षा अधिक शक्तिशाली बनतं.

हाऊ स्टफ वर्क्स वेबसाइटच्या अहवालानुसार, प्राणी धोकादायक आहे की नाही याचं मूल्यांकन करण्यासाठी अनेक निकष आहेत. एकतर ते अत्यंत विषारी असतात किंवा त्यांच्यात विषाणूंसारखे अनेक रोग पसरवण्याची शक्ती असते. याच कारणामुळे काही लोक किंग कोब्राला विषारी मानतात तर काही लोक विंचूला विषारी मानतात. पण या अहवालानुसार, जगातील सर्वात विषारी प्राणी म्हणजे गोगलगाय.

आता ही तुम्ही आम्ही नेहमी पाहत असलेली साधी गोगलगाय नाही. तर जिओग्राफी कोन स्नेल आहे, ज्याला कोनस जिओग्राफसदेखील म्हणतात. जी समुद्रात असते. सामान्यपणे ती इंडो-पॅसिफिकच्या खडकांमध्ये राहतो आणि लहान माशांची शिकार करते. या गोगलगायींमुळे आतापर्यंत 40 पाणबुड्यांचा मृत्यू झाला आहे.

तज्ज्ञांच्या मते, ही गोगलगाय चावल्यानंतर लोकांना वेळेवर रुग्णालयात नेलं नाही तर 65 टक्के लोकांचा मृत्यू होतो. धक्कादायक म्हणजे त्याच्या विषाचा प्रसार ताबडतोब संपवण्यासाठी किंवा त्यावर नियंत्रण ठेवण्यासाठी कोणतंही औषध नाही.

तिची शिकारीची पद्धत पाहूनच तुमच्या अंगावर काटा येईल. याचा व्हिडीओ सोशल मीडियावर व्हायरल होतो आहे. एक्स अकाऊंटवर हा व्हिडीओ पोस्ट कऱण्यात आला आहे.

हा व्हिडीओ पाहिल्यावर तुम्हाला हा प्राणी किती खतरनाक वाटतो ते आम्हाला आमच्या सोशल मीडियाच्या कमेंट बॉक्समध्ये नक्की सांगा.