Video : शांत गल्ली कोपऱ्यात उभी तरुणी; पाहताच 'अंकल'चा सुटला ताबा, गुलाबी कारनामा सोशल मीडियावर व्हायरल

व्हिडीओमध्ये एक तरुण मुलगी शांत गल्लीत एका स्कूटीजवळ उभी आहे. ती कोणाची तरी वाट पाहतेय. इतक्यात एक 'अंकल' तिथं येतात आणि थेट आल्यावर तिला मिठी मारतात. पुढे तर त्यांनी तिला उचलून स्कूटीवर बसवलं. मग काय, प्रेमाचा सीन सुरू! अंकल गुडघ्यावर बसतात, तिचा हात हातात घेतात, काहीतरी कबुली-वबुली देतात. मुलगीही त्यांना उठायला सांगते आणि पुन्हा एकदा मिठी मारते.

हे सगळं इतकं रंगात आलं होतं की त्यांना आजूबाजूचं काहीच भान नव्हतं. पण या गल्लीतल्या एका घराच्या बाल्कनीतून कुणीतरी हे सगळं पाहात होतं. आधी तो फक्त बघत होता, पण जेव्हा प्रेमाचं नाट्य काहीसं ओवरडोस झालं, तेव्हा थेट त्याने वरून पाणी फेकलं.

पाणी अंगावर पडताच अंकल आणि ती मुलगी दचकतात, वर बघतात आणि त्यांना लक्षात येतं की कुणीतरी त्यांचा व्हिडीओ शूट करतंय! मग काय घाईघाईनं दोघंही स्कूटीवर बसून तिथून पसार होतात.

हा व्हिडीओ नक्की कुठेचा आहे हे समजलेलं नाही, पण ट्विटरवर @Secret_Trader7 या अकाउंटवरून तो शेअर करण्यात आलाय. आतापर्यंत तब्बल या व्हिडीओला लाखो व्हूयज आले आहेत. सध्या हा व्हिडीओ सोशल मीडियावर भारीच गाजतोय.