कृषी हवामान : अनंत चतुर्दशीच्या दिवशी शेतकऱ्यांवर आस्मानी संकट, या जिल्ह्यांना IMD चा इशारा

ईशान्य अरबी समुद्रापासून मध्य प्रदेशातील कमी दाब क्षेत्रापर्यंत हवेचा कमी दाबाचा पट्टा कायम आहे. त्यामुळे महाराष्ट्रात पावसासाठी अनुकूल हवामान निर्माण झाले आहे. शुक्रवारी (ता. ५) सकाळपर्यंतच्या २४ तासांत कोकण, घाटमाथा आणि मध्य महाराष्ट्रात ठिकठिकाणी मध्यम ते जोरदार सरी कोसळल्या. सोलापूर येथे राज्यातील उच्चांकी ३२.७ अंश सेल्सिअस तापमानाची नोंद झाली. दरम्यान, शुक्रवारी सकाळपासून उत्तर महाराष्ट्र आणि उत्तर कोकणात हलक्या सरी सुरू राहिल्या.