अद्रक दर कोसळले, खर्चही निघणे झाले मुश्किल, शेतकऱ्यांची चिंता वाढली, Video

अमरावती : अमरावती जिल्ह्यातील शेतकरी जास्तीत जास्त संत्रा, कपाशी, तूर, सोयाबीन याच पिकाची लागवड करतात. पण, गेल्या काही वर्षांत मोजके शेतकरी अद्रक पिकाची सुद्धा लागवड करत आहेत. मागील वर्षी अद्रक पिकाला चांगला भाव मिळाला होता. त्यामुळे चांगला भाव मिळेल या आशेने शेतकऱ्यांनी याही वर्षी अद्रक पिकाची लागवड केली. मात्र, शेतकऱ्यांना यावर्षी त्यातून जेमतेम उत्पन्न मिळाले आहे. त्याचबरोबर शेतमालाला भाव नसल्याने शेतकऱ्यांची चिंता दुपटीने वाढलेली आहे. इतकी मेहनत घेऊन जर हाती धुपाटणे येत असेल तर शेतकऱ्यांनी करायचे काय? असे म्हणत अमरावतीमधील अद्रक उत्पादक शेतकरी संतापले आहे.