Success Story : शिक्षण घेत असताना केली शेती, कांदा शेतीचा प्रवीणचा प्रयोग यशस्वी, वर्षाला 4 लाख नफा

बीड : बीड जिल्ह्यातील नित्रुड गावचा तरुण प्रवीण पवार याने शिक्षण घेत असतानाच शेतीतून उल्लेखनीय यश मिळवून दाखवले आहे. सध्या कृषी विषयक पदवीचे शिक्षण घेत असलेला प्रवीण पवार अवघ्या दीड एकर क्षेत्रामध्ये कांदा लागवड करून एकाच हंगामात प्रतिवर्षी साडेतीन ते चार लाख रुपयांपर्यंत निव्वळ नफा कमावत आहे. ग्रामीण भागातील तरुणांसाठी त्याचा हा प्रयोग प्रेरणादायी ठरत असून शेतीतूनही आर्थिक स्थैर्य मिळू शकते, हे त्यांनी कृतीतून सिद्ध केले आहे.