Success Story : शेतीला निवडला जोड व्यवसाय, तरुण शेतकरी करतोय दूध विक्री, महिन्याला 1 लाखांची उलाढाल

छत्रपती संभाजीनगर : तालुक्यातील कुंभेफळ येथील रवी वाघ यांचा शेतीसोबत गाय आणि म्हैस पालन व्यवसाय आहे. त्यांच्याकडे 12 गायी तर 6 म्हशी आहेत. दररोज गाईंचे 120 लिटर दूध तर म्हशींचे 30 असे एकूण 150 लिटर दूध काढले जाते आणि ते दूध डेअरीसाठी विक्री केले जाते. या दुग्ध व्यवसायाच्या माध्यमातून वाघ यांची एक लाखांच्यावर उलाढाल आहे तर खर्च वजा करून 80 ते 90 हजार रुपये नफा मिळत असल्याचे वाघ यांनी लोकल 18 सोबत बोलताना सांगितले.