Numerology: मोबाईल नंबरच्या शेवटी हा अंक असणं म्हणजे घोटाळा? फायद्या-तोट्याचं गणित कसं पाहा

अंक ज्योतिषानुसार, मूलांक 1 चा स्वामी ग्रह सूर्य आहे. सूर्याला ग्रहांचा राजा म्हटले जाते. ज्या लोकांचा संबंध मूलांक 1 शी असतो, त्यांच्या व्यक्तिमत्त्वातही सूर्याशी संबंधित गुण आढळतात. मोबाइल अंकशास्त्रानुसार, मोबाइल नंबरचा शेवटचा अंक 1 असण्याचा नेमका अर्थ काय होतो, याविषयी आज जाणून घेऊ.

तुमच्या मोबाइल नंबरचा शेवटचा अंक 1 असेल तर आपल्याला जास्त पुरुषांचे कॉल्स येतात. हे लोक तुमच्याशी कमी बोलतात आणि तुम्हीही त्यांच्याशी फक्त कामापुरतीच चर्चा करता. या नंबरमुळे मर्यादित संभाषण होतं. या लोकांना इतर लोकांच्या तुलनेत कॉल्स खूप कमी येतात. सूर्य हा पुरुष तत्त्वाचा प्रतिनिधी मानला जातो, यामुळेच असा अंदाज लावला जातो की ज्यांच्या मोबाइल नंबरचा शेवटचा अंक 1 असतो, त्यांना पुरुष जास्त कॉल करतात.

व्यवसाय आणि करिअरवर परिणाम - तुमचा व्यवसाय महिला-प्रधान (महिलांशी संबंधित) असेल आणि तुमच्या मोबाइल नंबरचा शेवटचा अंक 1 असेल, तर तुमच्या व्यवसायात समस्या येऊ शकतात. तुमच्याकडे योग्य ग्राहकांचे कॉल्स येणार नाहीत. जर तुमच्या व्यवसायाच्या मोबाइल नंबरचा शेवटचा अंक 1 असेल, तर कॉल्सच कमी आल्यामुळे तुम्ही व्यवसाय काय करणार? त्यामुळे टेली मार्केटिंग किंवा ऑनलाइन मार्केटिंगसाठी मोबाइल नंबरचा शेवटचा अंक १ असलेला नंबर वापरू नये.

ज्यांच्या मोबाईल नंबरच्या शेवटी 1 आहे, अशा लोकांनी एक गोष्ट लक्षात ठेवावी की तुम्हाला जे लोक कॉल करतात, ते कोणत्यातरी उद्देशानेच करतात; तुमच्याकडे अनावश्यक किंवा फालतू कॉल्स येत नाहीत. अशा लोकांनी समोरच्या व्यक्तीच्या भावनांनुसार उत्तर द्यायला हवे.

सरकारी क्षेत्राकडून लाभ: मोबाइल नंबरच्या शेवटी 1 असलेल्या लोकांना सरकार किंवा सरकारी क्षेत्र (शासन-सत्ता) यांपासून लाभ होण्याची शक्यता असते. मात्र, या लोकांमध्ये अहंकार अधिक असू शकतो, ज्यामुळे त्यांना नुकसानही होते. सूर्य राजा असल्याने अशा लोकांमध्ये इतरांपेक्षा वेगळे दिसण्याचा आणि राहण्याचा थोडा इगो असतो.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)