MPSC Exam : 7 वर्षात 23 वेळा अपयश! अखेर 24व्या प्रयत्नात तरुणाने मिळवली सरकारी नोकरी

सरकरी नोकरी मिळवण्यासाठी विद्यार्थी जीवतोड मेहनत घेतात. अनेकदा त्यांना अपयश येतं. काही अपयशाने खचून जातात. तर काही प्रत्यत्न सोडत नाही. नांदेडमधील एका तरुणाची याच मूर्तीमंत उदाहरण आहे.

नांदेड जिल्ह्यातील हदगांव तालुक्यातील माटाळा गावातील सागर शिंदे या तरुणाची सध्या सर्वत्र चर्चा होत आहे.

कारण एमपीएससीच्या परीक्षेत तब्बल 23 वेळा अपयश आले तरी या बहाद्दराने प्रयत्न करणे काही सोडले नाही.

घरची आर्थिक परिस्थिती बिकट असतानाही सागरने सात वर्षे संघर्षमय स्थितीत अभ्यास केला. आणि 24 व्या प्रयत्नात त्याने मंत्रालयातील लिपिक आणि कर सहहायक अधिकारी अश्या दोन्ही नोकरीसाठी तो पात्र ठरला.

दोन चार वेळा अपयश आल्यानंतर टोकाचे निर्णय घेणाऱ्या युवकांनी सागरच्या यशापासून धडा घ्यावा अशीच ही कहाणी आहे.

सागरच्या या यशानंतर गावकऱ्यांनी त्याचे मोठ्या थाटात स्वागत करत त्याच्या यशाचा आनंदोत्सव साजरा केला.