OTT Trending: बॉक्स ऑफिसवर DISASTER, 300 कोटींचा सिनेमा आता OTT वर टॉप ट्रेंडिंग!

अनेक बिग बजेट सिनेमे आहेत जे थिएटरमध्ये फ्लॉप ठरतात. बॉक्स ऑफिसवर बजेटचे पैसे वसूल करण्यासाठीही नाकीनऊ येते. मात्र जेव्हा हे ओटीटीवर धडकतात तेव्हा ट्रेंडिंगमध्ये येतात. असाच एक सिनेमा जो बॉक्स ऑफिसवर डिजास्टर ठरला पण ओटीटीवर येताच टॉप ट्रेंडिंग आहे.

2025 मध्ये अनेक चित्रपटांनी बॉक्स ऑफिसवर जादू केली, तर अनेक चित्रपट वाईटरित्या फ्लॉप झाले. या यादीत एका मोठ्या बजेटच्या चित्रपटाचाही समावेश आहे, ज्याने आता ओटीटीवर धुमाकूळ घातला आहे. तसेच ते टॉप 10 ट्रेंडिंग लिस्टमध्ये समाविष्ट झाले आहे.

ओटीटीवरील ट्रेडिंग चित्रपटांची यादी बदलत राहते. आजकाल एका डिजास्टर चित्रपटाने ओटीटीवर कब्जा केला आहे. आश्चर्यकारक गोष्ट म्हणजे चित्रपटगृहातून बाहेर पडल्यानंतर, चित्रपटाला ओटीटीवर चांगला प्रतिसाद मिळत आहे. आपण ज्या चित्रपटाबद्दल बोलत आहोत त्याचे नाव 'गेम चेंजर' आहे.

'गेम चेंजर' हा तेलुगू भाषेत बनलेला एक अ‍ॅक्शन-पॅक्ड चित्रपट आहे. हा चित्रपट 10 जानेवारी 2025 रोजी थिएटरमध्ये प्रदर्शित झाला. यामध्ये राम चरण यांनी मुख्य भूमिका साकारली आहे. कियारा अडवाणी, एसजे सूर्या, संकल्प बॅनर्जी, मेका श्रीनाथ, सुनील आणि व्हीके नरेश यांसारखे कलाकार महत्त्वाच्या भूमिकांमध्ये दिसले.

हा 2025 मधील सर्वात डिजास्टर चित्रपटांपैकी एक होता. 'गेम चेंजर' बनवण्यासाठी निर्मात्यांनी आंधळेपणाने कोट्यवधी रुपये खर्च केले. राम चरण आणि निर्मात्यांना खात्री होती की हा चित्रपट बॉक्स ऑफिसवर हिट होईल, परंतु चित्रपटगृहात प्रदर्शित झाल्यानंतर सर्व योजना फसल्या.

थिएटरमधून बाहेर पडल्यानंतर, राम चरणचा 'गेम चेंजर' हा चित्रपट ओटीटीवर धुमाकूळ घालत आहे. या चित्रपटाने टॉप 10 ट्रेंडिंग लिस्टमध्येही स्थान मिळवले आहे. अलीकडेच 'गेम चेंजर' हा चित्रपट ZEE5 वर हिंदी भाषेत प्रदर्शित झाला आहे आणि तो भारतातील टॉप 10 यादीत तिसऱ्या क्रमांकावर ट्रेंड करत आहे.

राम चरणचा 'गेम चेंजर' हा 2025 मधील पहिला डिजास्टर चित्रपट ठरला. कमाई तर सोडाच, चित्रपट बॉक्स ऑफिसवर त्याचा खर्चही वसूल करू शकला नाही. या चित्रपटाचे दिग्दर्शन एस शंकर यांनी केले होते आणि त्याची कथा कार्तिक सुब्बाराज यांनी लिहिली होती. रणजित बहादूर आणि साई माधव बुर्रा यांनी संवाद लिहिले.