फक्त 1 महिना! चरबी गळून पडेल, पोट जाईल आत, वजन होईल कमी; फॉलो करा टिप्स

उत्तराखंडमधील अल्मोडा भागात असलेल्या योगनिलयम संस्थानाचे योग ट्रेनर हिमांशू यांनी याबाबत माहिती दिली आहे. त्यांनी सांगितलं की, सकाळी उठून पोटासंबंधित काही आसनं करणं फायदेशीर ठरू शकतं. स्थूलपणा हळूहळू कमी होऊ शकतो.

चक्की चलनासन: पोट कमी करण्यासाठी हे आसन रामबाण मानलं जातं. यामुळे पोटाची चरबी कमी होते आणि पेशी भक्कम होतात. हे आसन आपण 20 वेळा क्लॉकवाइज आणि 20 वेळा अँटी क्लॉकवाइज करू शकता.

नौकासन किंवा नावासन: या आसनाच्या पोझिशनमध्ये 30 सेकंद राहावं, याचा नक्कीच फायदा होऊ शकतो.

सेतू बंधासन: यामध्ये शरीर ब्रिजच्या पोझिशनमध्ये ठेवून 10 वेळा वर, खाली करायचं आहे. यामुळे पोटावर ताण येतो आणि चरबी कमी होते.

त्रिकोणासन: हे आसन करण्यासाठी उभं राहून उजव्या हाताने उजव्या पायाला स्पर्श करावा आणि कंबरेतून वाकून डावा हात वरच्या बाजूला ठेवावा. आपली नजर वरच्या बाजूला असेल. हे आसन आपण 50 वेळा करू शकता.

कोणासन: यात उभं राहून दोन्ही पायांमध्ये अंतर ठेवून उजव्या हाताने डाव्या पायाला स्पर्श करावा आणि डाव्या हाताने उजव्या पायाला स्पर्श करावा. हे आसनही आपण 50 वेळा करू शकता.

दरम्यान, हे पाचही आसन आपल्याला इंटरनेटवर पाहायला मिळू शकतात. ट्रेनर हिमांशू सांगतात की, दररोज अर्धा तास नियमितपणे ही आसनं केल्यास महिन्याभरात आपलं पोट आणि वजन कमी होऊ शकतं. तसंच दररोजचा आहारही <a href="https://news18marathi.com/photogallery/lifestyle/which-type-of-jaggery-is-best-for-health-sugarcane-jaggery-to-date-palm-mhpp-1212932.html">सकस</a> असायला हवा, घरचं जेवण जेवावं, जंक फूड <a href="https://news18marathi.com/photogallery/lifestyle/health/foods-to-not-eat-with-curd-l18w-mhij-1213936.html">खाऊ नये</a>. तसंच भरपूर पाणी प्यावं आणि पुरेशी झोप घ्यावी. या हेल्थी लाइफस्टाइलमुळे <a href="https://news18marathi.com/lifestyle/health/want-to-get-slim-follow-this-diet-mhij-1212702.html">शरीर फिट राहू शकतं</a>.