Weight Loss Plan : दिवाळीपर्यंत दिसायचंय स्लिम आणि फिट, 'या' टिप्स फॉलो करून झटपट करा 2-4 किलो वजन कमी

दिवाळी किंवा सणांचा काळ जवळ आला की प्रत्येकाला आकर्षक आणि फिट दिसायचे असते. जर तुम्हाला 15 दिवसांत नैसर्गिकरित्या 2 ते 4 किलो वजन कमी करायचे असेल, तर एक शिस्तबद्ध आहार आणि व्यायामाचा प्लॅन करणे आवश्यक आहे. हा 15 दिवसांचा प्लॅन फक्त वजनच नाही, तर तुमचा मेटाबॉलिझम सुधारून तुम्हाला उत्साही ठेवेल.

सकाळची सुरुवात डिटॉक्स पाण्याने: दररोज सकाळी रिकाम्या पोटी लिंबू, मध आणि दालचिनी मिसळलेले कोमट पाणी प्या. यामुळे शरीरातील विषारी घटक बाहेर पडतात आणि मेटाबॉलिझम वाढतो.

कार्ब्स मर्यादित करा: साधे कार्ब्स जसे की, पांढरा तांदूळ, ब्रेड आणि साखर असलेले पदार्थ टाळा. त्याऐवजी ओट्स, ब्राऊन राईस आणि कडधान्ये यांसारखे गुंतागुंतीचे कार्ब्स कमी प्रमाणात खा.

प्रोटीन आणि फायबरवर लक्ष केंद्रित करा: तुमच्या प्रत्येक जेवणात प्रोटीन (उदा. अंडी, पनीर, चिकन, डाळी) आणि फायबर (उदा. भाज्या, सॅलड, फळे) जास्त प्रमाणात ठेवा. यामुळे पोट जास्त काळ भरलेले राहते आणि वारंवार भूक लागत नाही.

पाण्याचे प्रमाण वाढवा आणि साखर सोडा: दिवसभरात 3 ते 4 लिटर पाणी पिणे आवश्यक आहे. पाणी पिण्यामुळे भूक नियंत्रित राहते. तसेच, चहा आणि कॉफीमधील साखर पूर्णपणे टाळा. साखरयुक्त पेये वजन वाढवण्यास हातभार लावतात.

दररोज 45 मिनिटांचा व्यायाम: वजन कमी करण्यासाठी केवळ आहार पुरेसा नाही. दररोज किमान 45 मिनिटे जोरदार व्यायाम जसे की, धावणे, जलद चालणे किंवा योगा करा.

रात्रीचे जेवण हलके आणि लवकर: रात्रीचे जेवण शक्य असल्यास 7 वाजेपूर्वी खा आणि ते अत्यंत हलके ठेवा. यामुळे शरीराला झोपण्यापूर्वी पचनक्रिया पूर्ण करण्यास वेळ मिळतो. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)