संभाजीनगरची लेक 'वंदे भारत' चालवणार, कोण आहे कल्पना धनावत?

भारत सरकारने देशात वंदे भारत ट्रेनचा महत्त्वाकांक्षी प्रकल्प हाती घेतला आहे. 30 डिसेंबर रोजी जालना ते मुंबई नवीन वंदे भारत ट्रेन सुरू झाली आहे.

छत्रपती संभाजीनगरची लेक आता वंदे भारत ट्रेन चालवणार आहे. फुलंब्री तालुक्यातील पालच्या कल्पना धनावत हिची सहाय्याक लोको पायलट म्हणून निवड झालीय.

कल्पनाचे वडील मदनसिंग धनावत हे एस. टी. महामंडळामध्ये नोकरीत होते. तर मुलगी रेल्वेमध्ये लोको पायलट झालीय.

कल्पनाने संभाजीनगर शहरातील शासकीय अभियांत्रिकी महाविद्यालय मध्ये इंजिनिअरिंगचे शिक्षण घेतलेले आहे. 2019 साली कल्पनाची परीक्षेद्वारे रेल्वेमध्ये लोको पायलटसाठी निवड झाली.

सध्या कल्पना लोको पायलट म्हणून काम करत आहे. मात्र आता ती वंदे भारत ट्रेनसाठी सहाय्यक लोको पायलट म्हणून कार्यरत असणार आहे.

छत्रपती संभाजीनगरची लेक भारतातील सर्वात वेगवान ट्रेनची लोको पायलेट म्हणून काम करणार असल्याने ही जिल्ह्यासाठी अभिमानाची बाब आहे.

कल्पना वंदे भारतची सहाय्यक लोको पायलेट झाल्यामुळे तिच्या कुटुंबीयांनी आनंद व्यक्त केला. (अपूर्वा तळणीकर, प्रतिनिधी)